Xitsonga
XIRHAMBO XO HLAWULA VANHU LAVA NGA TA TIRHA EKA HUVO YA LAYIBURARI YA MABOFU YA AFRIKA DZONGA (BLINDLIB), EGRAHAMSTOWN
ku fika 2010
Swirho swa xiyenge xa tilayiburari ni mahungu, mabofu na lava vonaka switsongo na hlayaka hi ku tirhisa minkandziyiso, xikan?we na vaaki, va rhambiwa ku hlawula vanhu lava va nga thoriwaka ku tirha eka Huvo ya Layiburari ya Mabofu ya Afrika Dzonga (Blindlib), eGrahamstown. Huvo yi ta va na kwalomu ka 7 wa swirho, leswi nga ta thoriwa hi Holobye wa Vutshila na Mfuwo ku tirha ku sukela ti 1 Nhlangula 2007 ku fika ti 30 Ndzati 2010. Huvo yi ta tlhela yi vumbiwa endzhaku ka malembe manharhu. Huvo yi hlangana ka mune hi lembe eGrahamstown (kapa-Vuxa). Tihakelo ta swirho swa huvo ti ta pimiwa ku va leti angarhelaka timali ta mafambelo loko ku yiwa eka tinhlengeletano na swin?wana leswi twalaka.
Mintirho ya nkoka ya Huvo i ku vumba tipholisi, ku pasisiwa ka mpimanyeto na switatimende swa timali, ku thoriwa ka vatirhi ni ku tsundzuxa Holobye mayelana ni timhaka leti khumbhaka Blindlib hi ku landzelela Nawu wa Layiburari ya Mabofu wa Afrika Dzonga, wa 1998 (Nawu wa No. 91 wa 1998).
Vahlawuriwa va fanele ku yimela dwiyenge leswi nga na vuswikoti lebyi faneleke byo pfuna Blindlib ku fikelela swikongomelo swa yona. Vahlawuriwa va fanele ku va na vutivi bya swa tilayiburari na vukorhokeri bya mahungu, ntokoto eka timhaka leti khumbhaka mabofu ni lava hlayaka hi ku tirhisa bireyili hi ku angarhela na switirhisiwa swa mpfumawulo wa mabofu, vuswikoti eka vufambisi, timhaka ta swa timali na switirhisiwa, na vuswikoti bya vumaketi, vuhlanganisi, na ku tlakusa swa timali.
Mani na mani la tsakelaka ku hlawula munhu wo karhi ku va eka huvo u fanele ku rhumela vuxokoxoko lebyi landzelaka eka Ndzawulo ya Vutshila ni Mfuwo: (vuxokoxoko bya vutihlanganisi laha hansi):
Papila leri nga na (a) mavito lama heleleke ya mulanghiwa na vuxokoxoko bya vutihlanganisi lebyi heleleke, (b) xivangelo xo hlawula, na (c) na mavito na vuxokoxoko bya vanhu vanharhu tanihi tirheferense ta mulanghiwa.
Mpfumelo wo langhiwa hi ku tsala kunene wa mulanghiwa eka fomo leyi bohiweke (ya kumeka loko yi komberiwa).
Nkomiso wa CV ya mulanghiwa, ku kombisa loko mulanghiwa a ri ni swilaveko leswi languteriweke ni ku nyika vuxokoxoko lebyi landzelaka:
a Xiyimo ni mavito lama heleleke b Nomboro ya Pasi c Vuaka tiko d Vuxokoxoko bya vutihlanganisi hi ku hetiseka e Laha mulanghiwa a tirhaka kona sweswi na vito ra muthori f Leswi pasiweke hi mulanghiwa g Ntokoto lowu faneleke h Swiyenge swa vuswikoti i Vuxirho j Tihuvo leti mulanghiwa a tirheke eka tona ta sweswi na ta khale k Rimbewu l Rixaka
Siku ro pfala ku hlawula i ti 31 Mudyaxihi 2007. Mavito ya vahlawuriwa na swivutiso swi fanele ku rhumeriwa eka ?
Riq: 012/3235300 X254
Fekisi: 012/3235287
